ಜೆಜುಚೆಂ ಪವಿತ್ರ್ ಕಾಳಿಜ್
ಕ್ರಿಸ್ತಾಂವಾಂ ಮಧೆಂ ಪ್ರತ್ಯೇಕ್ ಜಾವ್ನ್ ಕಥೊಲಿಕಾಂ ಮಧೆಂ ಜೆಜುಚ್ಯಾ ಪವಿತ್ರ್ ಕಾಳ್ಜಾಚೆಂ ಭಕ್ತಿಪಣ್ ಮಾನಾಪಾತ್ರ್ ಆನಿಂ ಚಡ್ ಲೊಕಾನಿಂ ವರ್ತ್ಯಾ ದೆವಸ್ಪಣಾನ್ ಆದರ‍್ಚೆಂ ಭಕ್ತಿಪಣ್ ಮ್ಹಣ್ಯೆತ್. ಜೆಜುಚೆಂ ಪವಿತ್ರ್ ಕಾಳಿಜ್ ಪಿಂತ್ರಾಯ್ತಾನಾಂ ಕಾಳ್ಜಾ ಭಂವಾರಿ ಉಜೊ, ಭಾಲ್ಯಾನ್ ಘಾಯೆಲ್ಲೆಂ ಆನಿಂ ಕಾಂಟ್ಯಾಚ್ಯಾ ಮುಕುಟಾನ್ ವಿಣ್ಲೆಲೆಂ ದಾಕಯ್ತಾತ್.
ಪವಿತ್ರ್ ಕಾಳ್ಜಾಚೆಂ ಭಕ್ತಿಪಣ್, ಜೆಜು ಖುರ್ಸಾರ್ ಉಮ್ಕಾಳ್ತಾನಾ, ತಾಚೆಂ ಕಾಳಿಜ್ ಭಾಲ್ಯಾನ್ ಉಗ್ತೆಂ ಕೆಲ್ಲ್ಯಾ ವೆಳಾರ್‌ಚ್ಚ್ ಸುರು ಜಾಲ್ಲೆಂ ಮ್ಹಣ್ಯೆತ್. ಪುಣ್ ಸತ್ರವ್ಯಾ ಶತಮಾನಾಂತ್ ಹೆಂ ಭಕ್ತಿಪಣ್ ಆತಾಂ ಆದಾರ್ಚ್ಯಾ ಥರಾನ್ ಜೆಜುನ್‌ಂಚ್ ಭಾಗೆವಂತ್ ಮಾರ್ಗರಿತ್ ಮರಿಯೆಕ್ ಕಳಿತ್ ಕರ್ನ್ ದಿಲ್ಲೆಂ. ತಿಕಾ ಸಭಾರ್ ಪಾವ್ಟಿಂ ದಿಷ್ಟಿಕ್ ಪಡೊನ್ ಹ್ಯಾ ಭಕ್ತಿಪಣಾಕ್ ಸಂಬಂಧ್ ಜಾಲ್ಲ್ಯೊ ವಸ್ತು ಆನಿ ಅಪ್ಲಿ ಖುಶಿ ಜೆಜುನ್ ತಿಕಾ ತಿಳ್ಸಿಲೆಂ. ಹೆಂ ಭಕ್ತಿಪಣ್ ಪರ್ಗಟ್ ಕರ್ಚ್ಯಾಂತ್ ತಿಕಾ ಕುಮಕ್ ಕರುಂಕ್ ಜೆಜುಚಾ ಸಭೆಚಾ ಯಾಜಾಕ್ ಕೊಲೊಂಬಿಯಾರಾಕ್ ಜೆಜುನ್‌ಂಚ್ ವಿಂಚುನ್ ಕಾಡ್ಲೊ. ತವಳ್ ಥಾವ್ನ್ ಪವಿತ್ರ್ ಕಾಳ್ಜಾಚೆಂ ಭಕ್ತಿಪಣ್ ವಿಸ್ತಾರುಂಕ್ ಸುರು ಜಾಲೆಂ
ಜೆಜುಚೆಂ ಪವಿತ್ರ್ ಕಾಳಿಜ್ ಆಮ್ಕಾಂ ಕಿತೆಂ ದಾಕಯ್ತಾ?
- ಮ್ಹನ್ಶ್ಯಾಕುಳಾಚೆರ್ ದೆವಾಚೊ ಅಗಣಿತ್ ಮೋಗ್.
- ಆಮ್ಚ್ಯಾ ಸೊಡ್ವಣೆ ಪಾಸತ್, ಜೆಜುಚೆ ಕಷ್ಟ್, ಮರಣ್ ಆನಿಂ ಬಲಿದಾನ್.
- ದೆವಾ ಥಾವ್ನ್ ವಾಳ್ಚಿ ಕಾಕುಳ್ತಿಚಿ ಆನಿ ಬೊಗ್ಸಾಣ್ಯಾಚಿ ಝರ್ ತಶೆಂಚ್ ಪಿಡೆಥಾವ್ನ್ ಸುಟ್ಕಾ.
- ಜೆಜುಚ್ಯಾ ಮ್ಹನ್ಶ್ಯಾಪಣಾಚೊ ಆನಿಂ ದೇವ್‌ಪಣಾಚೊ ಗುರ್ತ್.
ಜೆಜುಚ್ಯಾ ಪವಿತ್ರ್ ಕಾಳ್ಜಾಚ್ಯಾ ಭಕ್ತಿಪಣಾಂತ್ ಕಿತೆಂ ಆಟಾಪ್ತಾ?
- ಮಾಗ್ಣೆಂ ಆನಿಂ ಆರಾಧಾನ್
- ಪವಿತ್ರ್ ಕುಮ್ಗಾರ್ ಸೆವಪ್
- ಧಾನ್ ಆನಿಂ ದಯಾಳಾಯೆಚಿ ಕರ್ನಿ.
- ಜೆಜುಚ್ಯಾ ಪವಿತ್ರ್ ಕಾಳ್ಜಾಚ್ಯಾ ಇಮಾಜಿಕ್ ಮಾನ್ ದಿವಪ್
ಜೆಜುಚ್ಯಾ ಪವಿತ್ರ್ ಕಾಳ್ಜಾಚೆಂ ಫೆಸ್ತ್ ಪೆಂತೆಕೊಸ್ತಾಚ್ಯಾ ಉಪ್ರಾಂತ್ಲ್ಯಾ ತಿಸ್ರ್ಯಾ ಸುಕ್ರಾರಾ ಆಚರಣ್ ಕರ್ತಾಂವ್.