ವಿಗಾರ್ ಉಲಯ್ತಾ:
ಪ್ರಪ್ರಥಮ್ ಜಾವ್ನ್ ಸರ್ವಾಂಕ್ ಮ್ಹಜೆ ನಮನ್ ಆನಿ ಅಭಿಮಾನಾಚೆಂ ಪ್ರಣಾಮ್. ಮಾತೆವಾಚೊ ತೆರಾವೊ ಅಧ್ಯಾಯ್ - ಸಾಸ್ವಾಚಾ ಕಣಾಚಿಂ ಒಪಾರ್ ಮ್ಹಣ್ತಾ ಲ್ಹಾನಾಂತ್ಲೊ ಲ್ಹಾನ್ ಬಿಯಾಳೊ ಸಾಸಾಂವ್ ಏಕ್ ವ್ಹಡ್ ರೂಕ್ ಜಾವ್ನ್ ವಾಡ್ತಾ. ಆನಿ ತಾಚೆಂ ಫಾಂಟೆ ವಿಸ್ತರ‍್ತಾತ್ ಸುಕ್ಣಿಂ ಸಾಂವ್ಜಾ ತಾಚಾ ಸಾವ್ಳೆಂತ್ ವಸ್ತಿ ಕರ‍್ತಾತ್. ತ್ಯಾಚ್ ರಿತಿನ್ ಜೆಜುಚಾ ಪವಿತ್ರ್ ಕಾಳ್ಜಾಕ್ ಸಮರ್ಪಿಲ್ಲಿ 135 ಕುಟ್ಮಾನಿಂ ಗುಂತ್ಲೆಲಿ ಸಾಸ್ವಾಚಾ ಬಿಯಾಳ್ಯಾ ಬರಿಂ ಲ್ಹಾನ್ ತರೀ ವಿಶೇಷ್ ಸಕ್ತೆನ್ ಭರ‍್ಲೆಲಿ, ಸರ್ವ್ ಕ್ಷೇತ್ರಾನಿಂ ಕಾರ‍್ಯಾಳ್ ಜಾವ್ನ್ ಆಸ್ಚಿ ಫಿರ್ಗಜ್ ಮ್ಹಣ್ ಸಾಂಗೊಕ್ ಹಾಂವ್ ಅಭಿಮಾನ್ ಪಾವ್ತಾಂ.
ಜಶೆಂ ಏಕ್ ಲ್ಹಾನ್ ಕೀಟ್ ಸಗ್ಳೆಂ ರಾನ್ ಉಲ್ಪಂವ್ಕ್ ಸಕ್ತಾ, ಮಾತ್ರ್ ನ್ಹಂಯ್ ಬಗಾರ್ ತಾಚಾ ಉಜ್ವಾಡಾನ್ ಅಂತ್ಕಾರಾಚೆರ್ ಜಯ್ತ್ ವ್ಹರುಂಕ್ ಸಕ್ತಾ. ತಶೆಂಚ್ ಏಕ್ ಪ್ರೋತ್ಸಾಹಾಚೆಂ ಉತರ್ ಸೆವೆಚೊ ಮನೋಭಾವ್ ಮಾಯಾಮೊಗಾಚೊ ಸಾಂಗಾತ್ ಬರೊ ಸಂಬಂದ್ ಬಾಂದುನ್ ಹಾಡ್ತಾ. ಬರಿಂ ಚಿಂತ್ನಾ, ಬರ‍್ಯಾ ಉತ್ರಾಂ ದ್ವಾರಿ ಆನಿ ಕರ್ನ್ಯಾ ದ್ವಾರಿ ವಾಡ್ತಾ, ಸಂತೊಸ್ ಪಾಚರ‍್ತಾ. ತಶೆಂ ಆಮ್ಚಿ ಫಿರ್ಗಜ್ ಹ್ಯಾ ಅಂತರ್‌ಜಾಳಾ ದ್ವಾರಿಂ (Website) ಆಮ್ಚೆ ಫಿರ್ಗಜೆಚಿಂ ಬರಿಂ ಸುವರ‍್ತಾ ಸಂಸಾರಾಚಾ ಕೊನ್ಶಾ ಕೊನ್ಶಾಕ್ ಪಾವೊಂಕ್ ಆನಿ ಹೆರಾಂಕ್ ಪ್ರೇರಣ್ ಜಾಂವ್ಕ್ ಸಕಂವ್ದಿ ಮ್ಹಣ್ ಆಮ್ಚಿ ಆಶಾ.
ಆಮ್ಚ್ಯಾ ಫಿರ್ಗಜೆಂತ್ ಪರ್ಜಳ್ಚ್ಯಾ ನಗ್ತಿರಾಂಕ್ ಅನಿಕೀ ಚಡ್ ಆವ್ಕಾಸ್ ಲಾಭಂವ್ಕ್ ಆನಿ ವ್ಯಕ್ತಿತ್ವ್ ವಿಕಾಸನ್ ಜಾಂವ್ಕ್, ಆನಿ ತಾಂಚಾ ಸರ್ವತೋಮುಖ್ ವಾಡಾವಳಿಂತ್ ಜಾಂವ್ಚಿ ಸುಕ್ಣ್ಯಾ ನದರ್ ತುಮ್ಚಾ ಹಾತಾ ತಾಳ್ವೆರ್ ದರ್ಶನ್ ದೀಂವ್ಕ್ ಆಮಿ ಪ್ರಯತನ್ ಕರ‍್ತಾಂವ್. ಆಮ್ಕಾಂ ತುಮ್ಚೊ ಸಾಂಗಾತ್ ಜಾಯ್, ಪಾಟಿಂಬೊ ಆನಿ ಸಹಕಾರ್ ಜಾಯ್. ತುಮ್ಚಿಂ ಸೂಚನಾ ಆಮಿ ಮಾನುನ್ ಘೆತಾಂವ್, ತುಮ್ಚೊ ಆಮ್ಚೊ ಸಂಬಂದ್ ಘಟ್ ಆನಿ ಥಿರ್ ಜಾಂವ್. ತುಮ್ಚೆ ಮಾಗ್ಣೆಂ ಆಮ್ಚೊ ಆಧಾರ್ ಜಾಂವ್ ಮ್ಹಣ್ ಮಾಗ್ತಾಂವ್.
ಜೆಜುಚ್ಯಾ ಪವಿತ್ರ್ ಕಾಳ್ಜಾನ್ ಆಮ್ಚೆಂ ಥಂಯ್ ಆಪಾರ್ ಅಜಾಪಾಂ ಕೆಲ್ಯಾಂತ್. ತುಮ್ಚೆಂ ಥಂಯ್ ತಿಂಚ್ ಅಜಾಪಾ ಘಡೊಂವ್ದಿತ್ ಮ್ಹಣ್ ಮಾಗೊನ್ ತೆಂಚ್ ಪವಿತ್ರ್ ಕಾಳಿಜ್ ತುಮ್ಚೆರ್ ಆಶೀರ್ವಾದಾಚೊ ಶಿವೊರ್ ವೊತೊಂದಿ ಮ್ಹಣ್ ಮಾಗ್ತಾಂ.
ವಿಗಾರ್
ಬಾ| ಆ್ಯಂಟನಿ ಲೋಬೊ